Breast Cancer

Te matepukupuku ō ngā ū

Ko te kaupapa o tēnei puka, he āwhiNa i te iwi kia puta whānui ngā māramatanga mō tēnei mate te matepukupuku o ngā ū. He pārongo kei roto mō te whakatau mate, te maimoatanga, ngā āwhiNa i ngā pānga o te mate nei ki te taha kikokiko, ki te taha wairua.

I tua atu, ka taea te tono i tētahi puka anō mō te matepukupuku tuarua o ngā ū mai i te tari o te Kāhui Matepukupuku tata ki a koe, waea rānei ki Waeaāwhina Pārongo Matepukupuku 0800 CANCER (236 237).

Hei ngā rā ki mua, he āhua whārahi tonu ngā pokanga matepukupuku ū, me te kaha mataku o ngā wāhine ki te mate nei, tae noa ki ngā maimoatanga. I ēnei rā, nā runga i ngā huarahi kite moata me te ia kia iti ake ngā pokanga, ka angitu ake te maimoatanga me te pai ake o ngā huanga whakanako.

Kāore e taea e mātou te tohutohu i a koe e pā ana ki ngā maimoatanga pai mōu. Me kōrero kē koe ki ō rata, ina rā kei a rātou ngā kōrero e pā ana ki tō mate. Hāunga tērā, ko te tūmanako, mā tēnei puka ka taea ētahi o ō pātai te whakautu, me te āwhiNa i a koe ki te whakaaro ake ki ētahi pātai hei pātai mau ki tō rata.

Mehemea i whai āwhina koe i te puka nei, me tuku ki tō whānau me ō hoa, tērā pea he āwhina kei roto mā rātou. Ka taea ngā whakamārama mō ngā kupu miramira i te rārangi kupu kei te pito ō te puka.